وانه‌ی دارشتن

 وانه‌ی دارشتن

پێویسته‌ مامۆستا به‌ڕێزه‌کان له‌ وانه‌ی دارشتن ئه‌م خاڵانه‌ له‌به‌رچاو بگرن:

Øنووسینی دارشتن له‌ قوتابخانه‌ ئه‌نجام بدرێت ته‌نانه‌ت ئه‌گه‌ر که‌میش بێت باشتره‌ له‌و نووسینه‌ی ماڵه‌وه‌ که‌ دایک  و باوکه‌کان بۆیان بنووسن.

Øمامۆستا سه‌رجه‌م دارشتنه‌کان چاو لێبکات و واژۆیان لێبدات و رێکه‌وته‌که‌یان له‌سه‌ر بنووسێت.

Øتێبکۆشن ئه‌و بابه‌تانه‌ هه‌ڵبژێرن که‌ قوتابیه‌کان هانده‌دات بۆ بیرکردنه‌وه‌ و خه‌یاڵیان تێدابێت و وه‌ک چیرۆک دابرێشترێن.

Øمامۆستا ده‌توانێت چه‌ند رسته‌یه‌ک له‌ چیرۆک یان فیلمێک بنووسێت و دواتر داوا له‌ قوتابیه‌کان بکات که‌ ته‌واوی بکه‌ن.

بۆ نموونه‌:

مه‌یموونه‌که‌ له‌ ناو دارستانه‌که‌دا پیاسه‌ی ده‌کرد له‌ناکاو ده‌نگێک سه‌رنجی راکێشا.............

Øپێویست ناکات دارشتن به‌رده‌وام له‌سه‌ر لاپه‌ڕه‌ ئه‌نجام بدرێت، زۆر جار ده‌توانین داوا له‌ قوتابیه‌کان بکه‌ین بێن و هه‌ر وا به‌ شێوه‌ی زاره‌کی له‌سه‌ر بابه‌تێک بدوێن.

Øزۆر جار ده‌توانین چه‌ند وێنه‌یه‌کی په‌یوه‌ندیدار که‌ پێکه‌وه‌ چیرۆکێک نیشان ده‌ده‌ن بخه‌ینه‌ به‌ر چاوی قوتابیه‌کان و داوایان لێبکه‌ین بێن و به‌پێی وێنه‌کان چیرۆکه‌که‌مان بۆ بگێڕنه‌وه‌

Øئه‌نجامی لێکۆڵینه‌وه‌کان ده‌ریخستوه‌ که‌ قوتابیه‌کان ئه‌و چیرۆکانه‌ باشتر داده‌ڕێژن که‌ خۆیان قاره‌مانی چیرۆکه‌که‌ بن، که‌واته‌ باشتره‌ زۆرتر که‌ڵک له‌و جۆره‌ چیرۆکانه‌ وه‌ربگرین

بۆ نموونه‌:

•ئه‌گه‌ر من پاتشای جیهان بام.........

•ئه‌گه‌ر من شاره‌وانی شاره‌کامان بام ئه‌و کات......

•ئه‌گه‌ر رۆژێک ببمه‌ پزیشک ئه‌و کات.....

•و.......تاد.